Марий Элым вуйлатыше прокурор дене «Интеграл» микрорайонысо экологий сӱретым каҥашен

             Марий Элым вуйлатыше Юл кундемысе регион- влак кокласе пӱртӱсым аралыше прокурор дене «Интеграл» микрорайонысо экологий сӱретым каҥашен. Теҥгече республикыш пӱртӱсым аралыше прокурор Александр Илюшин толын. Нуно Марий Элым вуйлатыше Юрий Зайцев дене пырля «Интеграл» микрорайоныш миеныт. Тиддеч вара Правительстве пӧртыштӧ совещаний эртен. Тушто микрорайонышто шикш шарлыме йодышым каҥашыме. Эн ончыч Марий Элым вуйлатыше шукерте огыл пеҥгыдемдыме республикысе регион кокласе пӱртӱсым аралыше прокурор Алексей Ломовым саламлен. Тудо ешарен: проблеме шукертак лектын, калык вуйым шиеш, но решенийым муаш кӱлеш, молан манаш гын, тудо калыкын экологий шотышто лӱдыкшыдымылыкшӧ дене кылдалтын. Кызытсе жаплан кӱлешан корно семын промышленный зонышто мланде шӱйым йӱлалтыше коҥга- влакым шагалрак кучылташ кӱлеш. Нуным чарыме шотышто судын решенийже уло. Тиде решений тыгай коҥга дене пайдаланыше моло субъект- влак шотыштат кучылталташ тӱҥалеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски