Таче Юрий Зайцев 52-шо шочмо кечыжым палемда

            Таче Юрий Зайцев 52-шо шочмо кечыжым палемда. Юрий Викторович 1970-шо ийын Моско кундемысе Монино посёлкышто шочын. Оборона министерствын Военный Краснознамённый институтшым «Йот йылме» специальность дене тунем пытарен да «кусаркалыше-референт, увер да аналитике аланыште специалист» квалификацийым налын. Вузышто француз да итальян йылмылам сайын тунемын да мутланен мошта. «губернатор- влак школым пытарен. Тиддеч посна кугыжаныш виктем кӱшыл школын  виктарыше кадр резервым вияҥдыме курсыштыжо тунемын. 2011-ше ийыште Брянск кугыжаныш университетыште  диссертацийым арален да экономике шанче кандидат лийын. 2016-шо ийыште Ставрополь крайысе Думыш баллотроватлалтын, йӱкым поген ситарен огыл. 2019-ше ий гыч Калмыкий правительствым вуйлаташ тӱҥалын. А тений 10-шо майыште Россий Президентын Указше дене Марий Элым вуйлатышын пашажым шуктышылан пеҥгыдемдалтын, а 11-ше сентябрьыште сайлымаште сеҥышыш лектын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски