Мобилизоватлыме еҥ- влаклан У ий вашеш кочкышым да шере пӧлекым колтеныт

            Мобилизоватлыме еҥ- влаклан У ий вашеш кочкышым да шере пӧлекым колтеныт. Теҥгече Марий Элым вуйлатыше Юрий Зайцев республике гыч военнослужащий- влаклан гуманитар полышым колтымым шке терген. Поро кумыл фонд, предприятий, верысе калык ӱзгарым, лӱмын ыштыме снаряженийым, шокшо вургемым, гигиенылык сатум, эн ончыч кӱлешан предмет- влакым да шуко молымат погеныт. Тиддеч посна Марий Эл гыч кайыше пӧръеҥ- влаклан кочкыш ден шере йӧрварым колтеныт, а йоча- влак шке серышыштышт ласка шомак- влакым возеныт. Республикым вуйлатыше палемден: гуманитар полыш эн ончыч мо кӱлешым шотыш налын чумыралтеш. Тыште передовойышто да тылыште улшо- влакланат эн кӱлешаным погымо. У ийланат комплект- влакым чумырымо. Мылам келшыш: тыште эн кӱлешаным  ямдылыме. Мый командир- влак дене эре кылым кучем. Сандене мо кӱлешыжым шинчен шогем. Республикым вуйлатыше поро кумылан еҥ- влаклан тауштен да тиде пашам умбакыжат шукташ тӱҥалына манын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски