Йошкар-Олалан 50 у автобусым да автономно коштшо 5 троллейбусым налыт
Йошкар-Олалан 50 у автобусым да автономно коштшо 5 троллейбусым налыт. Тидын нерген Республикым вуйлатыше Юрий Зайцев Регионым виктарыме рӱдерын пабликлаштыже вияш эфирыште калыкын йодышыжлан вашештышыла ойлен. Калыкым шупшыктымаште проблеме уло. Но тудо контрольышто кучалтеш, - каласен тудо. Тӱшка транспортын пашажым «Транспортым виктарымаш» автоматизироватлыме системе гоч тергаш лиеш. Шушаш ийын у транспорт системе пашаш колталтеш, у маршрут- влак почылтыт, улшышкыжо вашталтыш пурталтеш, у техникым налаш палемдыме. Кызыт 50 автобусым налме шотышто паша шукталтеш. Нине автобусым «Троллейбус транспорт» предприятий кучылташ тӱҥалеш. Тыге ола ӧрдыж перевозчик-влак деч шогаш ок тӱҥал. Юрий Виктрович тыгак автономно коштшо вич троллейбусым налме нерген ойлен. Нуно у магистраль дене Ширяйково микрорайоным обслуживатлаш тӱҥалыт.
Фото: ЦУР.
Фото: ЦУР.
