Благовещений кафедрал соборышто марий йылме дене литургий лиеш
Благовещений кафедрал соборышто марий йылме дене литургий лиеш. 10-шо декабрьыште Марий Тиште кече палемдалтеш. 250 ий ончыч тиде кечын марий йылме дене икымше грамматике ужалымашке лукталтын. Тиде кечын Благовещений кафедрал соборышто марий йылме дене юмын литургий эртаралтеш. Тудым Йошкар-Олан да Марий Элын митрополитше Иоанн ден Волжскын да Шернурын епископшо Феофан вуйлатат. Юмылтымаште Марий митрополийын марий йылмым палыше клирикше- влак участвоватлат. Тудо 8 шагат эрдене тӱҥалеш. Тиддеч вара чылан соборын трапезныйыштыже кечывал кочкышыш ушнен кертыт. 12 шагатлан Православий рӱдерыште «Марий кундемысе калыкым сотемдарымаште Марий тиштын рольжо» теме дене йыргешке ӱстел эрта. Мероприятийыште священнослужитель, приходын специалистше- влак, Марий митрополийын кусарыше комиссийжын, миссионер пӧлкалан еҥже- влак участвоватлат.
Фото: Йошкар-Ола епархийын пресс-службыжо.
Фото: Йошкар-Ола епархийын пресс-службыжо.
