Йошкар-Ола ден Медведево кокласе кумдыкым 400 миллионат 600 тӱжем теҥгелан тӱзландарат

Йошкар-Ола ден Медведево кокласе кумдыкым 400 миллионат 600 тӱжем теҥгелан тӱзландарат
            Йошкар-Ола ден Медведево кокласе кумдыкым 400 миллионат 600 тӱжем теҥгелан тӱзландарат. Тынар оксам рекреационный зонын кокымшо йыжыҥжым чоҥаш ойыралтеш. Тыгай тендерым кугыжаныш закупко сайтыште савыктыме. Тудын кышкарыште подрядчик Черняков уремыште инфраструктурым чоҥа да тӱзландара. Тиде пашашке пушеҥгым кораҥдымаш, конструкций- влакым рончымаш, инженер сетьым вес верыш кусарымаш, кумдыклан планировкым ыштымаш, корно ден тротуарлаште асфальтым шарымаш, брусчаткым да резинкан шартышым пыштымаш, тыгак ужар кушкылым шындымаш, теҥгыл ден урно- влакым вераҥдымаш пурат. Тыгак тӱзландарыме кышкарыште волгыдо пурталтеш, корно пале ден разметке- влак вераҥдалтыт, светофор, йӱрвӱд канализаций да видеоэскерыме системе лиеш. Чыла пашам 2026-шо ийын 31-ше декабрь марте ыштен шуктышаш улыт.
               Фото: Йошкар-Олан мэрийже.

Прошлые выпуски