Волжск гыч кучедалше Европын первенствыштыже таҥасашлан ик туржым эртен
Волжск гыч кучедалше Европын первенствыштыже таҥасашлан ик туржым эртен. Владимир олаште Дмитрий Тимофеевым шарныме лӱмеш 24 ияш марте юниор- влак коклаште греко-рим кучедалмаш дене Россий кӱкшытан 22-шо таҥасымаш мучашлалтын. 77 килограмм марте нелытан- влак коклаште спорт мастер Данил Григорьев (Волжскысо кучедалмаш школысо Российын сулло тренерже Александр Серяков ден спорт мастер Александр Феоктистовын тунемшышт) шӧртньӧ медальым сеҥен налын. Шке сеҥымашыже дене волжанин европын первенствышкыже ойырен налме ик йыжыым эртен да Россий сборныйын радамышкыже пура. Таҥасымашыш 36 регион гыч 250 утла спортсмен погынен. Турнир греко-рим кучедалмаш дене Европын первенствыштыже ший медальым налше Владимир гыч икымше спортсменын лӱмжым нумалеш. Тудын илышыже да карьерыже 2003-шо ийыште автокатастрофышто кӱрылтын.
Фото: Олег Коротков.
Фото: Олег Коротков.
