Лӱмлӧ шанчыеҥ-этнолог илыш дене чеверласен
Йылмым, сылнымутым да историйым шымлыше Валериян Васильев лӱмеш марий институт гыч ойган увер толын. 70-шо ийыш тошкалмеке лӱмлӧ шанчыеҥ-этнолог Тамара Лаврентьевна Молотова илыш дене чеверласен. Тудо 1956-шо ийын 16-шо майыште Йошкар-Олаште шочын. 1978-ше ийыште Марий университетын историй да филологий факультетшым тунем пытарымеке, МАРНИИ-ш археологий да этнографий секторыш пашаш толын. Вара 1981-ше-84-ше ийлаште СССР Науко академийын Миклухо-Маклай лӱмеш этнографий институтшын аспирантурыштыжо тунемын да шанче стажировкым эртен. Кок ий гыч кандидатлык диссертацйиым арален. 2014-ше гыч 2020-шо ий марте этнологий пӧлкам вуйлатен. Тудын чыла гаяк паша биографийже МарНИИЯЛИ дене кылдалтын. Тушто тудо 45 ий утла пашам ыштен. Тамара Молотова 250 утла шанче пашан авторжо улеш.
Чапланыше шанчыеҥын илыш дене чеверласымыжлан шке чаманымашыштым Марий Элым вуйлатыше Юрий Зайцев, Марий Эл Кугыжаныш Погыным вуйлатыше Михаил Васютин, Марий Эл Правительствын еҥже- влак каласеныт.
Тамара Лаврентьевна Молотова дене кугарнян 5-ше декабрьыште чеверласат.
Фото: МарНИИЯЛИ.
Чапланыше шанчыеҥын илыш дене чеверласымыжлан шке чаманымашыштым Марий Элым вуйлатыше Юрий Зайцев, Марий Эл Кугыжаныш Погыным вуйлатыше Михаил Васютин, Марий Эл Правительствын еҥже- влак каласеныт.
Тамара Лаврентьевна Молотова дене кугарнян 5-ше декабрьыште чеверласат.
Фото: МарНИИЯЛИ.
