Юрий Зайцев калыкын йодышыжлан вашештен
Марий Элым вуйлатыше Юрий Зайцев Дмитрий Медведевын регионысо мер приёмныйыштыжо калыклан приёмым эртарен. Тудын палемдымыже почеш, йодыш- влак тӱрлӧ лийыныт. Мутлан, Советский посёлкышто илыше- влакым тротуарым олмыктымо йодыш тургыжландарен. Вуйлатыше каласен: нине объект- влакым шушаш ийын тӱзландарышаш планыш пуртымо лиеш. Паша подрядчикым рашемдымеке тӱҥалеш. Теле лишемме дене ече дене кошташ йӧратыше- влак палынешт: Кортысо ече базе марте мо дене миен шуаш? Юрий Викторович транспортым ситарыме йодышым ончен лекташ кӱштен. Телым базышке кугу автобус кошташ тӱҥалеш: паша кечын ныл гана, каныш кечылаште вич гана. Волжский районышто илыше- влак Приволжский посёлкышто у врач амбулаторийым чоҥымо нерген йодыныт. Тудымат рашемдыме. Министерстве- влаклан шушаш ийын ФАП-ым чоҥымо йодышым рашемдаш кӱштымӧ. Чыла йодышым Республикым вуйлатыше контрольышто кучаш тӱҥалеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
