Чер шарлыме дене кылдалтше чарымаш «Лӱдыкшыдымӧ да сай качестван автомобиль корно- влак» калыкле проектым шыҥдараш чаракым ыштен огыл
Чер шарлыме дене кылдалтше чарымаш «Лӱдыкшыдымӧ да сай качестван автомобиль корно- влак» калыкле проектым шыҥдараш чаракым ыштен огыл. Теҥгече Марий Элым вуйлатыше Александр Евстифеев Российыште регионлам вияҥдыме шотышто Правительстве комиссий Президиумын заседанийыштыже участвоватлен. Тудым Правительстве председательын алмаштышыже Марат Хуснуллин видеоконференций йӧн дене эртарен. Тушто кундемлан экономикыштым ӱшанлын вияҥдаш кӱлешан мера- влакым ыштыме, паша рынкыште ситуаций, инфекцийлан кӧра чоҥымо да моло отрасль- влаклан полшымо йодышым каҥашыме. Республикыштына системообразующий организаций- влакын финанс-экономик показательыштым, тӱҥ чоҥымо материал- влакын акыштым терген шогат. Тыгак мыняр сатум ыштен колтымо, налогым тӱлымӧ, мыняр еҥын пашам ыштымыже, кокла пашадар, кредитор да дебитор парым шотышто увер погалтеш. Пеҥгыде шартышан Автомобиль корным чоҥышо подряд организаций- влаклан корным чоҥымо материалым налаш аванс пуалтеш. Системообразующий организаций- влакын перечньыштым ыштыме. Аэропортышто самолёт дене толшо чыла еҥын температурыштым висат. Корно предприятийлаште коронавирусым шижтарыме шотышто оперативный штабым ыштыме, Роспотребнадзорын темлымашыже шукталтеш. Чарыме мероприятий пашам шуктымо сроклан чаракым ыштен огыл.
