Сеҥымашлан 75 ий теммылан 75 гектареш пушеҥгым шындаш палемдыме

Сеҥымашлан 75 ий теммылан республикыштына 75 гектареш пушеҥгым шындаш палемдыме. Марий Элысе чыла кучем орган- влак кугу Сеҥымашын лӱмгечыжым кӱлеш семын вашлияш ямдылалтыт. Пӱртӱс поянлык  министерстват ӧрдыжеш кодын огыл. Тиде шошым лесник- влак Российысе «Шарнымаш сад» акций кышкарыште икмыняр гана шарнымашан пушеҥгым шындаш палемденыт. Тидлан Сеҥымаш идалык дене келшен толшо 75 гектар кумдыкым ойырен налыныт. Чылаже 200 тӱжем пушеҥгым шындаш палемдыме. Шындыме ик верже Пригородный лесничестве, рашыракше- Краснооктябрьский лесничестве. Тушто 9 гектар утла кумдык лиеш. Лач туштак шарныктарыше аншлагым вераҥдат.

Прошлые выпуски