Эн сай туныктышо- влак окса премийым налыт
Республикысе эн сай туныктышо- влак окса премийым налыт. Туныктымо пашаште кугу сеҥымашышке шушо эн сай туныктышо- влаклан премийым пуымо шотышто конкурсым эртараш положенийым пеҥгыдемдыме. Конкурс Россий Президентын Указше дене келшышын эртаралтеш. Условий почеш туныктышын шке предметше дене шке ыштыме методикыже, тунемше- влакын кӱкшӧ шинчымашышт, урок деч ӧрдыжсӧ кугу пашашт, туныктышын кажне тунемше дене пашам ыштыме йӧнжӧ лийшаш, туныктымо тӱрлӧ технологийым кучылтшаш, шинчымашыжым чарныде нӧлтышаш.
