Дубки микрорайонышто у кумдыкым ыштат

Йошкар-Олаште куд ий жапыште кызытсе жаплан келшыше у кумдык ышталтшаш. 8-ше июньлан Тыныслык, Сталинград Кредалмашын Геройжо- влакын да Данилов бульвар кӧргысӧ илыме кварталым вияҥдыме шотышто ойпидышым ышташ правалан аукционым эртараш палемдыме. Тушто верланыше тошто да аварийныйлан шотлалтше пӧрт да моло зданийым кораҥдаш але пужен ышташ палемдыме. Тудын кумдыкшо 15 тӱжемат 900 квадрат метр. Кораҥдымашке Тыныслык уремысе 51-ше да 55-ше пӧрт, Данилов бульварысе 4,8,10-шо пӧрт- влак логалыт. Тушто илыше- влаклан илыме верым пуышаш улыт. Аукционын тӱҥалтыш акше кок миллионат 364 тӱжем теҥге. Аукционыш ушнаш йодмашым 7-ше май гыч 3-шо июнь марте налыт.

Прошлые выпуски