Калыкым «Гусельки» инклюзивный фестивальын гала-концертышкыже ӱжыт
Марий Элысе калыкым «Гусельки» инклюзивный фестивальын гала-концертышкыже ӱжыт. Эрла Россий Армийын тӱвыра полатыштыже Республикысе йоча усталык инклюзивный кокымшо фестивальын иктешлыше концертше лиеш. Пайрем программыш 24 номер пурен. Нуным уло республике гыч 100 утла йоча ончыкта. Фестиваль «Иктӧр усталык» ӱжмаш дене эрта. Тудын кышкарыште ойырен налме ныл тур эртен. Тушто 300 утла еҥ шке мастарлыкшым ончыктен. Поснак районласе социал обслуживаний рӱдер- влак чолгалыкым ончыктеныт. Фестиваль начаррак тазалыкан йоча- влак велке мелын савырнаш, инклюзивный усталыклан кумда корным почаш, тыгай йоча- влаклан кумда илышыш ушнаш йӧным ышташ манын эртаралтеш. Гала-концерт 12 шагатлан тӱналеш.
