Черланыше- влакын чотышт икмыняр кече 40 деч ӱлыкӧ ок воло
Марий Элыште ынде икмыняр кече коронавирус дене черланыше- влакын чотышт 40 деч ӱлыкӧ ок воло. Эртыше суткаште гына эше 43 еҥын чержым рашемдыме. Пандемий тӱҥалме годсек тиде чер кок тӱжемат 462 еҥлан пижын. Кызыт 245 еҥ черле. Суткаште 75 еҥ эмлалт лектын, чылаже кок тӱжемат 198 еҥ черым сеҥен. Ӱмыр лугыч лийше- влакын чотышт вашталтын огыл- 19. Россий мучко ик суткаште 8 тӱжем утла еҥ черланен, 193 еҥ колен, 10 тӱжем наре еҥ эмлат лектын.
