Йошкар-Олаште транспорт маршрут- влак вашталтыт

Йошкар-Олаште транспорт маршрут- влак вашталтыт
           Йошкар-Олаште икымше номеран маршруткым пӧртылтымӧ. Микроавтобус- влак таче кошташ тӱҥалыныт. Коштмо корнышт ончычсо гаяк. Кудалмылан акше – 25 теҥге. Автобус- влакын коштмыштым приложенийлаште эскераш лиеш: «Йошкар-Ола транспорт», «Йошкар-Олан ушан транспортшо», «Яндекс транспорт», «2 ГИС»- приложений- влак тыгай йӧным пуат. Маршрут нерген ешартыш уверым 30-45-44 номеран телефон дене умылен налаш лиеш.- увертара Марий Элысе ЦУР.
           Шочмо 10-шо июль гыч у 7-ше П номеран «Новый посёлко- Туруново» маршрут кошташ тӱҥалеш. Перевозчикше- «Троллейбус транспорт» муниципал предприятий. Диспетчер службын телефон номерже- 42-22-93. Окса дене тӱлымӧ годым 26 теҥгем налыт, карте дене- 23 теҥге кучалтеш.
           Тыгак шочмо, 10-шо июль гыч 2-шо А номеран «Ян Крастынь урем- Шыл комбинат» маршрутын коштмо схемыже вашталтеш. Автобус Соловьев урем дене, тыгак Строитель уремын Прохоров урем дене корнывож гыч Шыл комбинат марте кошташ ок тӱҥал. Схемыште Ян Крастынь, Анников, Подольскысо курсант- влак, Пролетар, Советский да моло урем- влак аралалт кодыт, Кокымшо номеран поликлиникыш, Республикысе эмлыме верыш да моло кӱлешан объектлаш каяш лиеш.
       Фото: Марий Элын ЦУР-жо.

Прошлые выпуски