Советский районысо ныл илем гыч 689 пӧртыштӧ илыше- влакым пӱртӱс газ деке ушымо
Советский районысо ныл илем гыч 689 пӧртыштӧ илыше- влакым пӱртӱс газ деке ушымо. Теҥгече Марий Элым вуйлатыше Юрий Зайцев районысо Кугунур ялыште газым торжественно чӱктымаште лийын. Посёлкыла кокласе газ пучым пашаш колтымым верысе калык икмыняр лу ий дене вученыт. Сандене канде тулым чӱктымым совым рӱж кырен вашлийыныт. Пӱртӱс тулым тыгак Шӱледӱр ялыште, Голубой ден Солнечный посёлкылаште илыше- влак налыт. Газ пучын кужытшо 27 меҥге утла шуйна. Газым ситарыме программыш тений апрельыште вашталтышым пуртымо. Тыге палемдыме инвестиций кугыт кум пачаш наре ешаралтын да 13 миллиард теҥгем эртен. Республикым вуйлатыше Юрий Зайцев погынышо- влакым куанле событий дене салмален. Тудо палемден: республикысе правительствын планыштыже- регионысо чыла илемым газ дене авалташ шонымаш уло.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
