Юрий Зайцев Советский район гыч кум ешлан «Йӧратымашлан да ӱшанле улмылан» медальым кучыктен
«Еш, йӧратымаш да ӱшанле улмо» кече вашеш Юрий Зайцев Советский район гыч кум ешлан «Йӧратымашлан да ӱшанле улмылан» медальым кучыктен. Нуно 40 ий утла пырля илат. Наградым Геннадий Александрович да Галина Ивановна Бастраковмыт налыныт. Нуно 60 ий пырля илат, ӱдырышт, кок уныкашт уло. Вячеслав Трофимович ден Людмила Геннадьевна шӧртньӧ сӱаным палемденыт, коктынат медицина пашаеҥ улыт. Эльтемеровмыт ешат пырля 40 ий ила. Альберт Владимирович ден Ольга Константиновна изи годсек палыме улыт: ик ялыштак шочыныт, ик школышто тунемыныт, кум йочашт, вич уныкашт уло. Республикым вуйлатыше лишемше пайрем дене саламлен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
