Марий Элым вуйлатыше Советский районысо объектлашке миен
Марий Элым вуйлатыше Советский районысо объектлашке миен. Тудо корным чоҥымо пашалан тӱткышым ойырен. 55 меҥге утла кужытан Ургаш-Роҥго-Морко автомобиль корным олмыктымо пашам ончен. Тудо кок районым ушен шога. Советский районышто тудо 28 наре меҥге кужытышто шуйна, кодшыжо- Морко районышто. Тений 8 меҥге кужыт утлажым олмыктат Акше 111 миллион теҥгем эрта.
Марий Элым вуйлатыше тыгак Советскийысе кокымшо номеран кыдалаш школыш миен. Тушто кызыт тӱҥ зданийым капитально олмыктат. Тымарте штукатур пашам ыштыме, икымше да кокымшо пачашыште классласе, актовый залысе, книгагудысо да моло верысе пырдыжым чиятлтыме. Пашазе- влак фасадыште пашам мучашлат, спортзал ден пищеблокым олмыкташ тӱҥалыт. Кызытеш объект 72 процентлан ямде. У тунемме ийлан паша мучашлалтшаш, 8 миллион теҥгелан мебель ден оборудований налалтеш.
Юрий Зайцевын мийыме эше ик объект – Роҥгысо карьер. Тиде карбонат породын местороженийжым 1953-шо ийыште почмо. Тушечын известняк ложаш, минерал порошок, тыгыде кӱ ышталтеш. Тудыжо чоҥымо пашаште да корным олмыктымаште кучылталтеш. Коштын савырныме деч вара Марий Элым вуйлатыше район администрацийыште совещанийым эртарен. Тушто тудо Советский ден Солнечный посёлкылаште да Шнаран селаште кум тӱвыра пӧртым олмыкташ акшым шотлен лукташ да оксам ойыраш, тыгак Роҥго школ кундемыште асфальт шартышым тӧрлаш кӱштен.
Фото: Марий Элым вуйлатышын администрацийжын увер дене пашам ыштыше пӧлкаже.
Марий Элым вуйлатыше тыгак Советскийысе кокымшо номеран кыдалаш школыш миен. Тушто кызыт тӱҥ зданийым капитально олмыктат. Тымарте штукатур пашам ыштыме, икымше да кокымшо пачашыште классласе, актовый залысе, книгагудысо да моло верысе пырдыжым чиятлтыме. Пашазе- влак фасадыште пашам мучашлат, спортзал ден пищеблокым олмыкташ тӱҥалыт. Кызытеш объект 72 процентлан ямде. У тунемме ийлан паша мучашлалтшаш, 8 миллион теҥгелан мебель ден оборудований налалтеш.
Юрий Зайцевын мийыме эше ик объект – Роҥгысо карьер. Тиде карбонат породын местороженийжым 1953-шо ийыште почмо. Тушечын известняк ложаш, минерал порошок, тыгыде кӱ ышталтеш. Тудыжо чоҥымо пашаште да корным олмыктымаште кучылталтеш. Коштын савырныме деч вара Марий Элым вуйлатыше район администрацийыште совещанийым эртарен. Тушто тудо Советский ден Солнечный посёлкылаште да Шнаран селаште кум тӱвыра пӧртым олмыкташ акшым шотлен лукташ да оксам ойыраш, тыгак Роҥго школ кундемыште асфальт шартышым тӧрлаш кӱштен.
Фото: Марий Элым вуйлатышын администрацийжын увер дене пашам ыштыше пӧлкаже.
