Республикыштына тачысе кечылан 350 туныктышо ок сите

Республикыштына тачысе кечылан 350 туныктышо ок сите
             Республикыштына тачысе кечылан 350 туныктышо ок сите. Школлаште туныктышо ситыдыме йодыш пӱсын шога. Тидын годым самырык физиклан 16 тӱжем теҥге пашадарым темлат. Республикысе занятость службын ончыктымыжо почеш, 352 туныктышо ок сите. Утларакше тӱҥ школ предметла дене туныктышо- влак кӱлеш улыт. Математикым туныктышым 46 еҥым вучат, руш йылме ден литературым туныкташ 42 еҥ, йот йылме дене 28 туныктышо, физкультурым туныкташ 22 еҥ огыт сите. Вакансий- влакын чотышт тӱрлӧ районышто чот ойыртемалтыт. Эн шукынжо Йошкар- Олаште ситыдымаш палдырна- 126 педагог кӱлеш. Звенигово районышто шинчымашым пуышо 55 преподавательым кычалыт. Медведево районлан 52 туныктышо кӱлеш. Эн ласка сӱрет Параньга ден Юрино районлаште- тушто вакантный вер уке, можыч кеҥеж канышлан кӧра огыт кычал. Ситыдымашын тӱҥ амалже- изи пашадар. Самырык туныктышо- влак репетиторство ден частный да онлайн-школлам ойырен налыт.  Темлыме пашадарын кокла кугытшо- 18 тӱжем теҥге наре. Мутлан, Краснооктябрьскысе кыдалаш школышто физикым туныктышын окладше- 16 тӱжемат 242 теҥге.

Прошлые выпуски