Коронавирус дене черланыше- влакым вес семын шотлаш тӱналыт
Лишыл кечылаште Россий мучко короновирус дене черланымашын чотшо ятырлан ешаралт кертеш. Но тидлан лӱдаш ок кӱл, лач шотлымо методикыже вашталтеш. Теве Марий Элыште таче 27 черланыше ешаралтын да тичмаш чотшо 118 еҥыш шуын. Ынде чер огыл, а статистике, очыни, вашталтеш. Российын тӱҥ санитар врачше Анна Попован приказше почеш, коронавирус инфекцийым пеҥгыдемдыме механизм вашталтын. Ынде коронавирус диагнозым пеҥгыдемдымым референс-рӱдер гыч вучыдеат лиеш. Республикыште але регионлаште ыштыме диагноз пеҥгыдемдымылан шотлалташ тӱҥалеш. Тымарте кок тестым ыштыме. Иктыжым регионышто, весыжым, контрольныйжым, референс-рӱдерыште, Москошто. Ынде ик тестым ышташ тӱҥалыт. Тидыже процедурым куштылемда. Уке гын, пӱтынь Россий гыч чыла тест Москош чумырген, результатым 6-7 кече вучаш кӱлеш ыле. Кокымшо. Доказатлыме: уло тӱня мучко коронавирус инфекций дене черланымаш пневмоний семын палдырна. Сандене Российын тазалыкаралтыш министрже Михаил Мурашкон распоряженийже почеш тыгай случай тыгак пеҥгыдемдымылан шотлалтеш. Коронавируслан келшен толшын да тыгаяк симптоман пневмоний дене черланымаш
коронавируслан шотлалтеш. Сандене черланышын чотшо ешаралт кертеш.
коронавируслан шотлалтеш. Сандене черланышын чотшо ешаралт кертеш.
