Республикым вуйлатыше Федераций Советын телеканалжылан кугу интервьюм пуэн

Теҥгече республикым вуйлатыше Александр Евстифеев Федераций Советын «Вместе-РФ» телеканалын вӱдышыжӧ Александр Веккерлан кугу интервьюм пуэн. Тушто тудо Марий Элыште коронавирус ваштареш шогымо, чарыме мероприятийын пайдалыкше, регионышто могай полыш пуалтме нерген рашын каласкален. Интервьюшто Александр Евстифеев эмлыме верлаште койко-верым ситарыме, медицина оборудованийым, эмым, сай квалификациян пашаеҥ- влакым ситарыме нерген ойлен. Мутланыме годым Александр Евстифеев ял озанлык пашаеҥ- влакын ага пашалан ямде улмыштым палемден. Чер шарлыме лӱдыкшӧ жапыштат паша кӱрылтде шукталтеш манын. Аграрий- влаклан тымарте 64 процент утла федерал бюджет гыч ойырымо оксам намиен шуктымо. Тиде сомыл дене республике элна мучко ончыл радамыште улеш. Республикым вуйлатыше тыгак калыклан кочкыш сатум ситарыме, производствылан икшырымын пашам ышташ палемдыме мера, туныктымашым виктарыме, волонтёр корпус дене кылдалтше йодыш- влакланат вашештен.

Прошлые выпуски