Кӱсото кундемыште 7 миллион теҥгеаш пушеҥгым руымо

Марий Элыште кӱсото кундемыште 7 миллион теҥгеаш пушеҥгым руымо. Марий Турек районышто следователь- влак шернур район гыч 53 ияш пӧръеҥын пушеҥгым руымыж шотышто уголовный пашам шымлен пытареныт. Тудо пӱртӱс поянлык министерствылан 7 миллион утла теҥге эҥегекым ыштен. Эртыше ийын июльышто увер пурен: верысе лесничестве кундемыште пушеҥгым шолыштмо. Тергымеке шолыштшо еҥым рашемденыт. Тиде Шернур район гыч 53 ияш пӧръеҥ улмаш. Чодырам руаш документше лийын огыл. Эше 2018-ше ий шошым тудын деке ик ялын старостыжо кӱсотым кукшо пушеҥге деч эрыкташ йодмаш дене лектын. Ондак пырня дене пашам ыштыше пӧръеҥ, кӱштышӧ документ лийшаш нерген пален, но старостан тыгай документше лийын огыл. Туге гынат тудо чодырам руышо бригадым поген. Нуныжо тӱжем кубометр лышташан да иман иле пушеҥгым пӱчеденыт. Тыге чодыра фондлан кугу эҥгекым ыштеныт. Пӧръеҥлан статья почеш уголовный пашам тарватыме. Пушеҥгым обрабатыватлыше цехшым да грузовой автомобильжым арестоватлыме. Погын акше 10 миллион теҥгем эртен.

Прошлые выпуски