Оксан пашам кычалше ӱдырамаш кок миллион наре теҥге оксажым йомдарен

Ондалкалыше- влак ӱдырамашын банк счётшо гыч кок миллион теҥге наре оксажым шолыштыныт. Пенсионерка, оксам ыштен налаш шонен, ончыч ик миллионат пеле теҥге оксажым йомдарен, а вара ондалыше- влакын кӱштымышт почеш кредитым налын. МВД-н увертарымыж почеш, Медведево район гыч 63 ияш ӱдырамаш интернетыште ешартыш пашадарым кычалын. Ик жап гыч кугу пашадаран пашам темленыт. Дистанционно тунемаш да паша корным ойырен налашлан тудо смартфонышкыжо посна программым шынден. Тудыжо аферист- влаклан телефонжым виктараш йӧным пуэн. Нуно ӱдырамашын банкыш аралаш пыштыме миллионат пеле теҥгежым рашемденыт да тудым налаш шонен пыштеныт. Но банк тиде операцийым да счётым блокироватлен. Ондалыше- влакым тиде чарен огыл. Ӱдырамашым оксам кусараш ӱшандарен кертыныт. Нунын кӱштымышт почеш ӱдырамаш банкыште  у счётым почын да тушко оксам кусарен. Тыге уло оксажым поген налыныт. Ӱдырамаш дене умбакыже кылым кученыт да пашам муаш эше оксам пыташ кӱлеш манын ӱшандареныт. Тудыжо эше 320 тӱжем теҥге кредитым налын да аферист- влаклан кусарен. Вара гына ондалалтмыжым умылен, полицийыш йодмашым возен. Уголовный пашам тарватен.

Прошлые выпуски