Марий Эл «Сеҥымаш Урем» корно проект деке ушна
Марий Эл «Сеҥымаш Урем» корно проект деке ушна. Российысе ятыр регион семынак, Марий Элыштат «Сеҥымаш урем» проект кышкарыште корно паша- влак тӱналыт. Тиде кампаний Кугу Сеҥымашлан 75 ий теммылан пӧлеклалтеш да «Лӱдыкшыдымӧ да сай качестван автомобиль корно- влак» калыкле проектыш ушнышо 83 регионышто шыҥдаралтеш. Лӱмгече идалык мучко корно пашазе- влак Сеҥымаш кече да Кугу Сарын Геройжо- влак лӱмеш лӱмдымӧ урем, площадь, проспект- влакым олмыкташ, шотыш кондаш, тӱзландараш тӱналыт. Мемнан республикыште тиде проект кышкарыште Йошкар-Оласе Сеҥымаш бульварым капитально олмыкташ палемдыме. Кызыт проектно-сметный документаций ямдылалтеш. Урем корным вес ийын ыштен шуктышаш улыт.
