Калыкле проект кышкарыште Оршанке районышто вич тӱвыра пӧртым олмыктымо
Калыкле проект кышкарыште Оршанке районышто вич тӱвыра пӧртым олмыктымо. Пытартыш вич ийыште «Тӱвыра» калыкле проект кышкарыште Районышто верланыше ялласе вич тӱвыра пӧртым норматив марте шуктымо,- каласен Правительстве председательын алмаштышыже- тӱвыра министр Константин Иванов муниципалитетысе тӧнеж- влакын 2024-ше ийысе паша лектышыштым иктешлыме совещанийыште. Тӱвыра рӱдер- влакым Кугунур селаште, Марково, Нужавлак, Кугу Ӧрша да Кугу Кугланур яллаште уэмдыме. Нине тӧнежлашке 174 тӱжем утла еҥ миен. Ведомствым вуйлатыше палемден: тора ял- влаклан калыкле проектын полшымыжо дене автоклубым налме да райрӱдыштӧ моделян книгагудым ыштыме, у кинозал лийшаш.
Оршанке район администрацийым вуйлатышын алмаштышыже Валентина Шабалинан каласкалымыже почеш «Изи шочмо кундемын тӱвыраже» проект кышкарыште муниципал образованийыште идалык еда тӱвыра пӧрт- влакын материально- техник базышт уэмеш. Районын книгагудо фондшо эртыше ийын кок тӱжем у документ дене пойдаралтын. Книгагудылашке 12 процентлан шукырак еҥ кошташ тӱналын. Тоштер комплексыште 60 ончерым ямдылыме, 100 утла тематик вашлиймашым, 150 экскурсийым, 15 мастар-классым эртарыме. Константин Иванов район деч Палантай лӱмеш тӱвыра да сымыктыш коледжыш тунемаш пураш да Пӱтынь марий йоча усталык коллективлашке ушнаш утларак кумылаҥдаш кӱлеш манын., «Пушкин карте» федерал программым районышто шыҥдарыме пашамат чолгаҥдаш кӱлешым палемден.
Фото: Тӱвыра министерстве.
Оршанке район администрацийым вуйлатышын алмаштышыже Валентина Шабалинан каласкалымыже почеш «Изи шочмо кундемын тӱвыраже» проект кышкарыште муниципал образованийыште идалык еда тӱвыра пӧрт- влакын материально- техник базышт уэмеш. Районын книгагудо фондшо эртыше ийын кок тӱжем у документ дене пойдаралтын. Книгагудылашке 12 процентлан шукырак еҥ кошташ тӱналын. Тоштер комплексыште 60 ончерым ямдылыме, 100 утла тематик вашлиймашым, 150 экскурсийым, 15 мастар-классым эртарыме. Константин Иванов район деч Палантай лӱмеш тӱвыра да сымыктыш коледжыш тунемаш пураш да Пӱтынь марий йоча усталык коллективлашке ушнаш утларак кумылаҥдаш кӱлеш манын., «Пушкин карте» федерал программым районышто шыҥдарыме пашамат чолгаҥдаш кӱлешым палемден.
Фото: Тӱвыра министерстве.
