Марий Элым вуйлатыше Юрий Зайцев Палантай лӱмеш тӱвыра да сымыктыш колледжым капитально олмыктымо деч вара ончен лектын

Марий Элым вуйлатыше Юрий Зайцев Палантай лӱмеш тӱвыра да сымыктыш колледжым капитально олмыктымо деч вара ончен лектын
              Марий Элым вуйлатыше Юрий Зайцев Палантай лӱмеш тӱвыра да сымыктыш колледжым капитально олмыктымо деч вара ончен лектын. Олмыктымо паша кум ий мучко шуйнен. 2022-шо ийыште левелышым капитально олыктымо, 2023-шо ийыште фойем, коридорлам, икымше да кокымшо пачашысе тунемме класс- вакым шола велым, электроволгыдо системым, пожар сигнализацийым уэмдыме, у омсам шындыме. Кодшо ийын олмыктымо пашам кумшо пачашын шола велыштыже мучашлыме. Инженер коммуникацийым вашталтыме, кызытсе жаплан келшыше санузел- влакым ыштыме. Оксам республикын бюджетше гыч ойырымо. Кум ийыште 50 миллион утла теҥгем кучылтмо. Республикым вуйлатыше колледжыште тунемме кабинетлам, шуко функциян залым ончен лектын, тунемме процессым эскерен. Тений объектын пурла велыштыже да кудывече велым фасадым олмыкташ  палемдыме. Республикысе Палантай лӱмеш тӱвыра да сымыктыш колледж ойыртемалтше тунемме кластер улеш. Тушко тӱвыран да сымыктышын кок факультетше, Калыкле сымыктыш гимназий, йоча сымыктыш школ, кок тӱшкагудо, креатив индустрий школ пурат. Таче кечылан колледжыште тӱжемат 400 студент тунемеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски