«Диво России» турист видеон 11-ше фестиваль-конкурсыштыжо Марий Элын 21 проектше наградым сеҥен налын
Россий кӱкшытан «Диво России» турист видеон 11-ше фестиваль-конкурсыштыжо Марий Элын 21 проектше наградым сеҥен налын. Конкурсын финалже Угарман олаште 19-ше гыч 20-шо ноябрь марте эртен. Козьмодемьянск ола «Турист корно. Муниципал район ден райрӱдӧ- влак» номинацийыште сеҥен. «Шереметев замок» «Тӱвыра ден историй» номинацийыште, «Этнический турист» проект тыгаяк лӱман номинацийыште икымше лийын, «Йошка Еш» регион- влак кокласе гастроном фестиваль «Событий ден еҥ- влак» номинацийыште сеҥен. Кандаш проект кокымшо верым налын, 9 проект кумшо вер дене палемдалтын. Республикысе спорт-туризм министерстве Гран-Прим сеҥен налын. Тыгай конкурс 2013-шо ий годсек эртаралтеш. Тений финалыш 30 номинацийыште 250 проект лектын. Марий Эл тушко 21 видеом колтен. Республикым вуйлатыше тидым чапле сеҥымаш манын палемден.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
