Дмитрий Троицкий Россий Кугыжаныш Думын аграрий йодыш дене комитетыштыже парламент колыштмаште участвоватлен
Марий Эл Правительстве вуйлатышын икымше алмаштышыже Дмитрий Троицкий Россий Кугыжаныш Думын аграрий йодыш дене комитетыштыже парламент колыштмаште участвоватлен да пареҥге ден пырля перерабатывалыме продуктлан лу процент ставке дене налогым тӱлымӧ сату перечньыш пуртымо нерген йодыш дене докладым ыштен. Кызыт саскам- шоганым, кешырым, йошкар ушменым, пареҥгым- нуно перерабатыватлыме продукций радамыш пурат- ужалыме годым 20 процент налог ставке кучылталтеш. Изирак ставкым палемдымаш саскам ончен куштышо- влаклан оксам шукырак налаш да шийвундым саскам келгынрак перерабатыватлыме технологийым шыҥдараш колтен кертыт. Дмитрий Троицкий палемден: тиде йодыш мемнан регионланат пеш кӱлешан. Молан манаш гын перерабатыватлыме саска продукций йодмаш дене пайдалана.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
