Таче Речкинмыт ешым Кремльыште саламленыт

Таче Речкинмыт ешым Кремльыште саламленыт
              Таче Речкинмыт ешым Кремльыште саламленыт. Москошко уло Россий гыч 88 ешын еҥже- влак чумырегныт. Нуно «Шуко шочшан еш», «Самырык еш», «Ялысе еш»,- «Йӱлам аралыше еш» да «Российын шӧртньӧ ешыже» номинацийлаште сеҥыше улыт. Сеҥыше- влак коклаште Йошкар-Ола гыч Речкинмыт ешат уло. Нуным «Йӱлам аралыше еш» номинацийыште палемденыт. 46 ийым темыше еш шке илышыжым сем ден сымыктышлан пӧлеклен. Ангелина Речкина Бауман лицей пелен йоча сымыктыш школым почшо кокла гыч иктыже, Сергей Речкин лӱмлӧ баянист ден концертмейстер. Нуно пырля «Узоры» ансамбльым чумыреныт. Икшывыштат ача-аваштын корным тошкат. Александр эргышт ныл ияш гычак сценыште улеш да марий мурым мурышо семын чапланен. Надежда ӱдырышт тӱрлӧ семӱзгар дене шокта да мотор йӱкан улеш. Тудын йочаже- влакат сымыктышлан кумылан улыт.
       Фото: Паша да социал аралтыш министерстве.

Прошлые выпуски