Шернур районышто Йыван Кырлан пӧртшым нӧлтат
Шернур районышто Йыван Кырлан пӧртшым нӧлтат. Марий талешке кече вашеш Шернур районысо Купсолашке Марий тӱвыра рӱдерын пашаеҥже- влак миеныт. Тиде ялыште лӱмлӧ поэт да актёр, «Путёвка в жизнь» икымше йӱкан совет фильмыште тӱҥ рольым модшо Йыван Кырла шочын. Кызыт ялыште поэтын пӧртшым чоҥат. Тушто Йыван Кырла лӱмеш историй да тӱвыра рӱдер лиеш. Поро кумылым ончыктымо проектым ура чонан да чолга еҥ- влак илышыш шыҥдарат. Тӱвыра рӱдерын специалистше- влак Поэтын шочмо кундемыштыже лектын коштмо мероприятийым эртареныт, поэтлан мемориал воктеке пеледышым пыштеныт, чоҥалтше пӧртыш миеныт, Марисола школысо тоштерын экспозицийже дене палыме лийыныт.
Фото: Марий тӱвыра рӱдер.
Фото: Марий тӱвыра рӱдер.
