Ширяйково микрорайонын книгагудыштыжо «Докторлан йодышым пу» вашлиймаш эртен
Ширяйково микрорайонын книгагудыштыжо «Докторлан йодышым пу» вашлиймаш эртен. Черетан вашлиймаш «Тазалык школ» проект кышкарыште лийын. Тудым ола Погынымашын депутатше Александр Афанасьев ямдылен. Мероприятийын унаже Россий Федерацийын сулло врачше Виктор Кузнецов лийын. Йодышым шуко пуэденыт. Мийыше- влак холестерин, онкологий, диспансеризаций, диета, сакыр диабет дене кылдалтше йодыш- влакым рашемдаш тыршеныт. Эн кӱлешан нерген ойленыт: кузе тазалыкым арален кодаш да интернетыште южгунам ваштареш шогышо каҥаш- влак коклаште йомаш огыл? Вашлиймаш поро кумыл шӱлышеш пайдалын эртен. Тергыме уверым йӧратыше- влаклан келшыше книга- влакым ямдылыме. Организатор- влак книгагудым вуйлатыше Маргарита Домрачевалан ласка шӱлышан вашлиймашлан йӧным ыштымыжлан да толшо- влаклан таум каласеныт. Вес вашлиймаш нерген ешарен увертарат.
Фото: Татьяна Ӱстюгова.
Фото: Татьяна Ӱстюгова.
