Электрон трудовой книжакам ышташ тӱҥалыт

Электрон трудовой книжакам ышташ тӱҥалыт
Декабрь кыдалне Российын Президентше Владимир Путин элыштына электрон трудовой книжкам пуртымо шотышто законеш кидшым пыштен ыле. Цифран книжка пашам ыштыше еҥлан шке пашаже шотышто уверым пален шогаш сай йӧным ышта. Электрон трудовой книжкам ыштымаш икымше январь гыч тӱналеш. Чыла пашам ыштыше еҥ у форматыш шке кумылын куснышаш. А кӧ 2021-ше ий гыч икымше гана пашаш пура, нунын пашам ыштыме шотышто данныйышт  электрон йӧн дене гына, кагаз книжка деч посна, виктаралташ тӱҥалыт. Моло еҥлан 2020-шо ий 31-ше декабрь марте у электрон книжакам ыштыме шотышто але кагаз книжкам арален кодымо нерген пашам пуышылан йодмашым возышаш улыт. Кагаз книжакам арален кодымо годым, пашам пуышо электрон да кагаз книжкашкат уверым возаш тӱҥалеш. Пашам пуышо- влак у ий гыч кажне тылзын лийше вашталтыш нерген 15-ше числа марте уверым Пенсий фондыш колтышаш улыт. Сандене пашам пуышо- влак 20-шо ийын 30-шо июнь марте кажне пашаеҥлан паша законодательствыште лийше вашталтыш нерген возен увертарышаш улыт.

Прошлые выпуски