Таче эрдене Йошкар-Олан рӱдыштыжӧ рейсовый автобус йӱлен
Таче эрдене Йошкар-Олан рӱдыштыжӧ рейсовый автобус йӱлен. Сад товариществыш кайыше автобусын водительже шикш пушым шижмеке, автобусым чарен да мотор отсекыште тул пижмым рашемден. Водитель, кондуктор да кум пассажир автобус гыч шке лектыныт, иктыланат эҥек лийын огыл. Тидын шотышто Следствий Комитетын республикысе следствий виктемже тергымашым тӱҥалын. Чыла мо-кузе лиймыжым шымлен лектыт. Автобусын пассажирже- влакым 8 902 102 11 37 номеран телефон дене йыҥгырташ йодыт.
