Йошкар- Олам йыр эртен кайыме корнын ужашыжым олмыктымо
Йошкар- Олам йыр эртен кайыме корнын ужашыжым олмыктымо. Олмыктымо паша «Вятка» трассын 33-шо гыч 40-ше меҥге марте 7 уштыш кужытышто шукталтын. Медведево район гоч шуйнышо корнышто специалист- влак корно ӱмбалым йӱштӧ регенераций йӧн ден пеҥгыдемденыт, кумдыкшым норматив марте шуктеныт. Кум пачашан шартышым ыштеныт, ӱмбал пачашыже тыгыде кӱ да мастика асфальтобетон гыч ыштыме. Верысе калыклан да дачник- влаклан йӧнан лийже манын, автобус чарныме верлаште автопавильон ден вончымо-скоростной полоса- влакым ыштеныт, барьер саварым, корно палым, искусственный волгыдым келыштареныт. Икмыняр сад пакча воктене автобус чарынме верлашке тул волгыдым пуртымо. Олмыктымо пашам 40-ше гыч 47-ше меҥге марте ужашыштат шуктымо. «Волго-Вятскуправтодор» виктемын йодмашыже почеш, тений чылаже 32 меҥге утла федерал корным олмыктымо. Тушечын 16 уштышыштыжо капитально ачалыме.
