Таче- Россий Федерацийысе утарыше- влакын кечышт
Таче Россий Федерацийысе утарыше- влакын кечышт палемдалтеш. Россий МЧС-ын Марий Элысе тӱҥ виктемжын пашаеҥже ден ветеранже- влакым профессионал пайремышт дене Репсубликым вуйлатыше Александр Евстифеев саламла. Те шке илышдам ик эн кӱлешан, неле да ответственный профессийлан пӧлекленда. Тудо патырлыкым, пеҥгыдылыкым, чолгалыкым йодеш. Республикысе утарыше- влак ик гана веле огыл шке мастарлыкыштым, тӱрлӧ неле жапыште чаткан да писын ыштен моштымыштым ончыктеныт. Те эн ончыч вучыдымо ситуаций годым ончык лектыда, эн первый полышым пуэда. Тидыже калыкын илышыжым, погыжым арален кодаш, эҥгекым шагалемдаш полша. Неле пашаланда, икмыняр минут жапыште полышым пуаш ямде улмыланда тау. Чылалан тазалыкым, улан илышым, сеҥымаш- влакым тыланем, - ойлалтеш республикым вуйлатышын саламлымашыштыже.
