Йӱшӧ сонарзе- влак деч пычалым поген налыт
Росгвардий виктемын пашаеҥже- влак пӱртӱс поянлык министерствын специалистышт дене пырля сонарлыме верлаште профилактик рейд- влакым умбакыже эртарат. Тудын кышкарыште пычалым коштыктымо, пайдаланыме правилым шуктымым, Лицензийын уло-укежым, кӱштышӧ документым тергат. Сонар тургым тӱналме деч вара 36 рейдым эртарыме, 221 пычал озам да 90 транспортым тергыме. Тидын годым сар-куралым коштыктымо да сонар правилым пудыртымым ныл гана рашемдыме. Юрино районышто йӱшӧ вуя пычал дене коштшым кучымо, а Волжский районышто подылшо пӧръеҥ пычалым коштыктымо правилым пудыртен. Кокытшымат административно мут кучаш шогалтыме, а сар-куралыштым поген налме.
