Госсоветыште ял кундемлам вияҥдыме да ял озанлык производствын лектышыже нерген ойленыт

Госсоветыште ял кундемлам вияҥдыме да ял озанлык производствын лектышыже нерген ойленыт
Теҥгече Владимир Путин агропромышленный комплексым вияҥдыме йодыш дене Госсоветын заседанийжым эртарен. Тудын пашаштыже Россий Правительствым вуйлатыше Дмитрий Медведев, парламентын кӱшыл палатыжын спикерже Валентина Матвиенко, Кугыжаныш Думын депутатше- влак да Российысе кундемлан вуйлатышышт лийыныт. Заседанийыште ял кундемлам вияҥдыме да ял озанлык производствын лектышыже нерген ойленыт. Президентын мутшо почеш, ял кундемлам ӱшанлын вияҥдымаш  Российын ялысе илышым саемдаш тыршымыже нерген ойла. Ял озанлык министр Дмитрий Патрушев агропромышленный комплексыште регион- влакын шумо сеҥымашышт дене палдарен. Марий Элысе ял озанлык нерген ойлаш гын, икмыняр показатель дене кушмаш палдырна. Тенийсе 9 тылзе жапыште ял озанлык сатум лукмо индекс 110 процентым эртен, а АПК организацийлаште 113 процент утла лийын. Тыге ме округышто кокымшо, элна мучко 10-шо верыште улына. Ял озанлыкыште кушмаш ял кундемлам да яллаште илыме йӧным саемдымаш дене чак кылдалтын. Тений 450 посна пӧртыш, 196 пачерыш да 12 мер зданийыш газым пуртымо, ялыште 14 чоҥышо чоҥашлан оксам налын, ял кундемлаште ятыр квадрат метр илыме верым ыштен шуктымо лиеш. 5 тӱвыра пӧртым пужен ыштыме. Яллаште корным ыштыме пашат умбакыже шуйна. Ял кундемлам вияҥдымаш Марий Эл Правительствын пашам ыштыме приоритет корныжлан шотлалтеш

Прошлые выпуски