Полпред Игорь Комаров вич меҥгым ийын эртен
«Юлысо вӱд» тӱнямбал ийме серий кышкарыште Игорь Комаров вич меҥгым ийын эртен. Теҥгече Юл эҥер гоч икте, кумыт да вич меҥгыш иймаш лийын. Тушко Российысе 150 ола гыч 1700 россий да йотэлласе спортсмен участвоватлен. Юл кундем округышто Россий Президентын полномочный представительже Игорь Комаров вич меҥгым сайын ийын лектын. Тудо икымше гана тиде таҥасымашке ушнен. Сандене дистанций куштылго огыл ыле манын. Тиде таҥасымаш Угарман олаште 6-шо гана эртен. Тудым эртарыме жапыште иймашке вич тӱжем еҥ ушнен.
Фото: Марий Элысе тӱҥ федерал инспекторын пресс-службыжо.
Фото: Марий Элысе тӱҥ федерал инспекторын пресс-службыжо.
