Морко районышто ял озанлык кооперативым вуйлатыше закондымын кок миллион теҥгелан вольыкым ужален

         Морко районышто ял озанлык кооперативым вуйлатыше закондымын кок миллион теҥгелан вольыкым ужален. 44 ияш ончычсо вуйлатышылан приговорым лукмо. Тудым пашаверым кучылтын кугу оксам шкаланже налмылан титаканлан шотлымо. Рашемдыме: 2018-ше- 2019-ше ийлаште районысо ик ялыште ял озанлык кооперативым вуйлатыше шоя справке ден ветеринар документлам кучылтын кооперативын тӱкан шолдыра вольыкшым шолыштын. Тудо шке лӱмжӧ дене 52 вуй вольыкым ужален. Тыге кооперативлан кок миллион утла теҥге эҥгекым конден. Уголовный паша почеш материал 11 томыш погынен. Титаклыме еҥын мланде участкыжым да пӧртшым арестоватлыме. Приговор почеш тудым кум ийлан условно эрык деч посна кодаш пунчалме да кок ийлан амалкалче пашам шукташ чарыме. Приговор эше вийым налын огыл.

Прошлые выпуски