Шучко ДТП-м ыштышылан, тушто 17 ияш ӱдыр колен, 8 ийым пуэныт

            Шучко ДТП-м ыштышылан, тушто 17 ияш ӱдыр колен, 8 ийым пуэныт. 35 ияш пӧръеҥлан приговорым лукташ Йошкар-Оласе следствий пӧлкан погымо доказательствыжым ситышылан шотлымо. Тудо кок статья дене титаклалтеш: машинам шолып наҥгайымаш да айдемын илышыжым кӱрлмашке шуктышо корно правилым пудыртымаш. Тиде осал ДТП тений 26-шо апрель йӱдым лийын. Машинам виктараш правадыме да йушӧ пӧръеҥ самырык ӱдыр дене машна дене кудалышташ шонен да кок миллионат 480 тӱжем теҥгем шогышо машинам шолып наҥгаен. Чот писын кудалшыжла, машинам виктарен сеҥен огыл да электро меҥгыш миен керылтын. Пассажир сиденьыште шинчыше 17 ияш ӱдыр ӱмыр лугыч лийын. Йӱшӧ вуя аварийым ыштыше еҥым 8 ийлан тӱшка режиман исправительный колонийыш колташ ыштыме. Приговор вийым налын огыл.
          Фото: МВД УГИБДД-н пресс-службыжо.

Прошлые выпуски