«Мур пеледыш» ансмабль Гран-прим сеҥен налын
Кодшо кечылаште Абхазийыште эртыше «Алтын майдан» Тӱнямбал инклюзивный калыкле тӱвыра фестивальыште «Мур пеледыш» ансмабль Гран-прим сеҥен налын. Тидын дене коллектив Лев созвездий гыч лӱмдымӧ шӱдыр лӱмлан сертифкатым налын. Фестивальын шонымашыже тыгай - ик усталык программе дене пылыш, шинча, йылме, уш-акыл, кид-йол шотышто начарарк тазалыкан еҥ- влакым да тыглай тазан вияҥше икияшышт- влакым ушен шогымаш. Марий Эл гыч фестивальыш кок коллектив миен. Знаменский посёлко гыч «Мур пеледыш» фольклор ансамбль ден Йошкар-Ола гыч «Узоры» йоча ансамбль. Гран-прим налме нерген «Мурпеледышым» вуйлатыше Эльвира Петрова увертарен.
Фото: «Мурпеледыш» ансамбльын «ВКонтакте» вотышто лаштыкше гыч.
Фото: «Мурпеледыш» ансамбльын «ВКонтакте» вотышто лаштыкше гыч.
