Куженер кундемыште шукияш шудылыкыш лектыныт
«Куженерский» озанлыкыште шукияш шудылыкым нӧшмылан тӱредаш тӱҥалыныт. Кодшо ийын тыгай жаплан тиде пашам мучашлыме ыле. Игечылан кӧра тений уржа-сорла тургым шеҥгекырак шӱкалалтеш. Кодшо ийын шурным тӱшкан тӱредаш 23-24-ше июльышто лектыныт ыле. «Куженерский» озанлыкын пасулаштыже уда огыл шурно шуэш Пырчым коштышо да ойыркалыше кок комплексшат у шурным эрыкташ да кошташ ямде улыт. Комбайн- влакат пасуш лекмым вучат. Пырчым аралаш у клат чоҥалтеш. Варарак ӱдымӧ шожлан ӱяндышым пуат.
Фото: Куженер район администраций.
Фото: Куженер район администраций.
