Элна мучко финанс грамотность арня эрта
Тачысе кече гыч 31-ше октябрь марте уло элна мучко Россий кӱкшытан финанс грамотность арня эрта. Тушко ушнаш тӱрлӧ ийготан еҥ- влакым ӱжат. Мероприятий тений онлайн-формат дене эрта. 31-ше октябрь марте школышто тунемше да студент- влак шке але туныктышо да ача-аваштын полшымышт дене финанс грамотность онлайн-курсыш пурен, тӱнямбал олимпиаде ден марафонышто участвоватлен, российысе тестированийым эртен, электрон сертификатым налын кертыт. Тиддеч посна тӱрлӧ ондалкалымаш ваштареш шогаш, банк карте дене лӱдыкшӧ деч посна пайдаланаш тунемыт, консультацийым налыт.
