Коронавирус шотышто статистике уэмдалт шога
Коронавирус шотышто статистике уэмдалт шога. Эртыше суткаште республикыштына 52 еҥын тиде чержым пеҥгыдемдыме, 12 еҥ эмлалт лектын. Пандемий тӱҥалме годсек Марий Элыште вич тӱжемат 889 еҥын чержым рашемдыме, ныл тӱжемат 788 еҥ эмлалт лектын, 63 еҥ ӱмыр лугыч лийын. Россий мучко 17 тӱжемат 300 утла еҥ черланен, шым тӱжемат 500 утла еҥ черым сеҥен лектын. 219 еҥ черым сеҥен кертын огыл.
Тыге республикына чер шарлыме шотышто «нугыдо йошкар» зоныш пурен. Экспертын мутшо почеш, чер шарлыме дене Российысе субъект- влакым ныл группылан шелме. «Ужар» зонышко эн шагал черан кундем- влак пурат. «Нарынчышке» чыташ лиеш манме семын аклыме, «Волгыдо йошкар» зоныш начарлан шотлалтше, «Нугыдо йошкар» зоныш неле семын аклалтше регион- влакым пуртымо. Пытартышышытже чер писын шарла. Тиде категорийыште Бурятий, Чукотка, Алтай республике, Новосибирск область, Марий Эл, Севастополь, Новгород область, Ненец автоном округ улыт. А эн сайлан кызытеш Краснодар край, Чечня, Ингушетий, Ленинград область шотлалтыт. Нуно стабильный семын аклалтыт.
Тыге республикына чер шарлыме шотышто «нугыдо йошкар» зоныш пурен. Экспертын мутшо почеш, чер шарлыме дене Российысе субъект- влакым ныл группылан шелме. «Ужар» зонышко эн шагал черан кундем- влак пурат. «Нарынчышке» чыташ лиеш манме семын аклыме, «Волгыдо йошкар» зоныш начарлан шотлалтше, «Нугыдо йошкар» зоныш неле семын аклалтше регион- влакым пуртымо. Пытартышышытже чер писын шарла. Тиде категорийыште Бурятий, Чукотка, Алтай республике, Новосибирск область, Марий Эл, Севастополь, Новгород область, Ненец автоном округ улыт. А эн сайлан кызытеш Краснодар край, Чечня, Ингушетий, Ленинград область шотлалтыт. Нуно стабильный семын аклалтыт.
