Республикысе калыкын 178 тӱжем легковой автомобильже уло
Республикысе калыкын 178 тӱжем легковой автомобильже уло. Теҥгече автомобиль транспортышто тыршыше- влак шке профессионал кечыштым палемденыт. Тидын вашеш Маристат икмыняр иктешлымашым ыштен. ГИБДД виктемын ончыктымж почеш, 2019-ше ий мучашлан республикыштына 24 тӱжемат 900 грузовой машина да кум тӱжемат 152 автобус шотлалтын. Нунын кокла гыч 63 процент утла грузовой автомобильже да 54 утла процент автобусшо калыкын погыжлан шотлалтын. Республикын автомобиль транспортшо 73 процент грузым да пассажирым пелыж наре шупшыкта. Тений январь гыч сентябрь марте автобус да троллейбус дене 24 миллион утла еҥым шупшыктымо. 2018-ше ий дене таҥастарымаште автобус дене калыкым кум процентлан шукырак шупшыктымо. Тений калыкым шупшыктымаш шагалемын манын ончыктат. Тидыже калыкын утларак машинам налаш тӱҥалмыж дене кылдалтын.
19-ше ий мучашлан калыкын 178 тӱжем легковой машинаже лийын. Тидыже 18-ше ий деч кок процент нарылан шукырак. Тӱжем еҥлан шотлымаште 253 машина шотлалтеш. Кажне кокымшо машинаже иномарке лийын, кажне визымшыже- вич ий деч шагал кучылталтын.
19-ше ий мучашлан калыкын 178 тӱжем легковой машинаже лийын. Тидыже 18-ше ий деч кок процент нарылан шукырак. Тӱжем еҥлан шотлымаште 253 машина шотлалтеш. Кажне кокымшо машинаже иномарке лийын, кажне визымшыже- вич ий деч шагал кучылталтын.
