Изирак класслаште тунемше- влакым республикыштына кечеш 53 теҥгелан пукшат
Изирак класслаште тунемше- влакым республикыштына кечеш 53 теҥгелан пукшат. Роспотребнадзор виктемын увертарымыж почеш, Марий Элыште чыла тунемме тӧнежыште шокшо кочкыш дене пукшат. Тиде- 81 тӱжемат 359 йоча. Тушечын 36 тӱжемат 585-зытше изирак класслаште тунемше улыт. Пищеблок- влак санитар-гигиена йодмашлан келшен толыт. Йоча- влаклан кочкаш шолташ кок школ комбинат пашам ышта. Нуно 30 школлан кочкаш ситарат. Кок школ коммерций структуро дене ойпидышым ыштен, эше кокытшо- моло организаций дене. Тиддеч посна 73 тунемме тӧнежыште школ буфет- влак пашам ыштат. Рацион ден менюм Роспотребнадзор виктем дене кутырен келыштарыме. Тунемше- влакым эрдене да кечывалым пукшат, школ пеленысе интернатлаште – вич гана. Кокымшо сентябрь гыч икымше гыч 4-ше класс марте чыла тунемшылан эрдене да кечывалым шокшо кочкышым пуат. Ик кечылан акше 53 теҥгат 35 ырыш шуэш. Тиддеч посна шуко шочшан ешла да начар тазалыкан чыла йочам республикын бюджетше кӱшеш пукшат.
