«Вечын-Ӧрша-Кӧрдемтӱр» корным олмыкташ 264 миллион теҥгем кучылтмо

        «Вечын-Ӧрша-Кӧрдемтӱр» корным олмыкташ 264 миллион теҥгем кучылтмо. Советский районышто тиде корнын кокымшо ужашыжым пашаш колтымо. Кок ий жапыште тиде корным «Лӱдыкшыдымӧ да сай качестван автомобиль корно- влак» калыкле проект кышкарыште шуктымо. Тиде корным 1976-шо ийыште чоҥымо улмаш. Тиде жапыште тудо сайынак лунчырген. 
         2018-ше ийыште икымше йыжыҥ семын йыр савырнен кайыме корным жаплан ыштыме. Тидыже кыл, электровоштыр линийым, газ пучым пужен ышташ йодын. Йыр корно дене Вечын, Колянур, Жиган, Шогале яллаште илыше- влак райрӱдыш коштыт.
        Кокымшо йыжыҥ семын 2019-ше ийыште «Вечын-Ӧрша-Кӧрдемтӱр» корнын  кок меҥге кужыт ужашыжым олмыктымо. Кумшо йыжыҥыште кокымшо гыч нылымше меҥге марте пужен ыштыме. Корным пӱтынек угыч ыштыме: мландым нӧлтен оптымо гыч тӱҥалын, асфальтым шарыме марте. Тиде корным ыштен шукташ 264 миллион теҥге оксам кучылтмо. Тений гына 133 миллион наре теҥге каен. Тиде объектыште пашам тӱрыс мучашлыме.

Прошлые выпуски