29-ше октябрьыште Марий Эл Кугыжаныш Погынын 13-шо сессийже почылтеш

          Шушаш изарнян, 29-ше октябрьыште, Марий Эл Кугыжаныш Погынын 13-шо сессийже почылтеш. Тудын повесткышкыже 13 йодышым пуртымо. Ятырже республикысе законодательствым федерал законодательство дене тӧр кондымо дене кылдалтын. Депутат- влак тыгак Александр Гречихон кандидатурыжым Марий Эл правительство вуйлатышын икмыше алмаштышыже должностьыш пеҥгыдемдаш согласоватлышаш улыт. Тиддеч посна республикыштына у Чап лӱмым пеҥгыдемдаш, пассажирым шупшыктымо пашам виктарымаште верысе самоуправений ден кугыжаныш кучем орган- влак коклаште полномочийым шеледымашым законодательно пеҥгыдемдышаш улыт. Тыгак эше икмыняр йодышым ончат.

Прошлые выпуски