Ик эн шоҥго селаште Шарнымаш да Чап аллейым ыштыме
Республикысе ик эн кугу ийготан селаште Шарнымаш да Чап аллейым ыштыме. Советский районысо Роҥго селаште илыше калык Кугу Ачамланде сарыште сеҥымылан 75 ий теммым у аллейым тӱзландарыме дене вашлийын. Селан рӱдыштыжӧ верысе инициативе программе почеш пашам мучашлыме. Ондак колхоз правлений верланыме кумдык пытартыш жапыште яра шоген. Тений кеҥеж-шыжым тудым Шарнымаш да Чап Алеей семын тӱзландарыме: тротуар плиткым оптымо, куд светильникым, теҥгылым вераҥдыме, клумбым ыштыме, кушкылым шындыме, газон шудым ӱдымӧ. Тыге аллей рӱдӧ площадь ден Элым аралыше- влаклан мемориалым ушен. Тушто торжественный мероприятий- влак эртат.
Роҥго села Советский районыштат, Марий кундемыштат ик эн кугу ийготанлан шотлалтеш. Тудым 1699-ше ийыште негызлыме.
Роҥго села Советский районыштат, Марий кундемыштат ик эн кугу ийготанлан шотлалтеш. Тудым 1699-ше ийыште негызлыме.
